IDEAS 2023 Jardunaldian LIFE-IP NAdapta-CC aurkeztu da

AEASeko I+G+B taldeak antolatutako IDEAS 2023 ‘Ingurumen-erronka berrietarako irtenbideak' berrikuntza-jardunaldian, NILSA enpresa publikoak LIFE-IP NAdapta-CCren esparruan gidatutako ekintzen aurkezpena egin zen. Jardunaldi horiek Bilbon egin ziren maiatzaren 30ean eta 31n.

Nafarroan klima-aldaketara egokitzeko proiektu integratuari buruzko hitzaldia "Erronka klimatikoa" hitzaldi-blokearen barruan egin zen, eta Julen Fernández Sanz de Galdeano NILSAko teknikariak zuzendu zuen. Bertan, Fernandezek LIFE-IP NAdapta-CCren aurkezpen globala egin zuen, NILSAk gidatzen dituen hiru ekintzei arreta berezia eskainiz. Zehazki, proiektuko uraren arloko hiru ekintza: C.2.1 ekintza, hondakin-urak tratatzeko instalazioetan gerta daitezkeen ingurumen-larrialdietan alerta goiztiarreko sistema bat garatzeari buruzkoa; C2.2 ekintza, saneamendu-sistemen gainezkatzeen jarraipena egiteko sare bat garatzeari eta haren ingurumen-inpaktuaren diagnostikoari buruzkoa; eta C2.3 ekintza, hiri-estolderiako sareak egokitzeari buruzkoa, hiriguneetan drainatze-sistema iraunkorrak ezarriz; eta C4.1 ekintza, Nekazaritza eta Abeltzaintza arloan sartuta dagoena, Tuteran konpostajeko eta eguzki-lehorketako instalazio pilotuak abian jartzeari buruzkoa, araztegiko lohiak tratatzeko eta hiri-hondakin solidoen frakzio biodegradagarria materia organikoa lortzeko.

LIFE-IP NAdapta-CC proiektuari buruzko informazio guztia jakin nahi baduzu, albisteen hileroko buletinean harpidetu zaitezke, web inprimaki hau betez.