Marco estratégico

LIFE-IP NAdapta-CC proiektuaren Estrategia Markoa

Nafarroako Klima Aldaketaren Aurkako Ibilbide Orriak (HCCN-KLINa) behar bati erantzuten dio: Nafarroan ingurumen-estrategia integral eta transbertsal bat onartu eta ezartzeari.

Nafarroako Foru Komunitateak klima-aldaketaren aurrean hartutako konpromisoak jasotzen ditu eta, besteak beste, Europar Batasunaren Estrategiako eta Parisko Hitzarmeneko (COP21) nazioarteko helburuak eta Nazio Batuen Erakundeko (NBE) Garapen Jasangarriko Helburuak (GJH) barne hartzen ditu. Era berean, emisio txikiko ekonomia eta lurralde jasangarri eta erresiliente baterako trantsizioa sustatzen du. Horretarako, berotegi-efektuko gasen (BEG) emisioak murrizteko eta klima-aldaketara egokitzeko helburuak ezartzen ditu, baita jarduteko ildoak eta neurriak ere.

Europako proiektu integratua den LIFE-IP NAdapta-CC KLINaren baitan kokatzen da, eta sektore desberdinetan egokitzapen-arloko ekintzak garatzen ditu. Era berean, proiektuak HCCN-KLINa osatzen duten ekintza guztien garapena sustatzen du, bere neurri osagarrien bidez.