‘Navarra Agraria’ aldizkariak INTIAren abisu-estazioaren 2021-22 kanpainaren balantzeari buruzko artikulu bat argitaratu du

‘Navarra Agraria’ aldizkariak Nekazaritzako Elikagaien Teknologia eta Azpiegituren Nafarroako Institutuaren (INTIA) Abisu Estazioari eta 2021-2022 kanpainaren balantzeari buruzko artikulu bat argitaratu du, 254. zenbakian, 2023ko urtarrila-otsailakoan. Kontsulta publikorako web-tresna bat da, nekazaritza-sektore osoak eskura dezakeena, eta horri esker, LIFE-IP NAdapta-CCren esparruan, laboreetan izurriteen eta gaixotasunen alerta-sistema pertsonalizatua sortu da. Europako proiektuaren C4.4 ekintzarekin lotutako ekimena.  

Nekazaritzako dibulgazio teknikoaren argitalpenaren arabera, “tresna erabiltzen duten pertsonek, osasun-abisuez eta hartu beharreko estrategia eta gomendioez gain, izurri edo gaixotasun baten egoera kontsulta dezakete denbora errealean”. Eta gogorarazi du “aurreko kanpainetan eta ekoizpen-eremuetan lortutako datuak kontsultatzeko aukera” ere ematen duela.

Artikuluan aldizkari espezializatuak Nafarroan ekoizten diren laboreen 2021-2022 osasun kanpaina aztertzen du. Azterketa hori egiteko beharrezkoa den informazioa INTIAko teknikariek eta lankidetzako teknikariek osatutako sare baten bidez jasotzen da. Sare horrek, lursailetara bisita erregularrak eginez, laboreei eragiten dieten patogenoen egoerari buruzko informazioa biltzen du.

“Landa-datu horiek laboreen garapen-egoerarekin eta baldintza klimatologikoekin batera kontrastatzen eta aztertzen dira, eta, emaitza gisa, osasun-arazoak prebenitzera eta konpontzera bideratutako hainbat unetan Abisuen Estaziotik igortzen diren abisu-motak ematen dira”, INTIAren laboreak babesteko ekipoak adierazten duenez.

Ohikoak ez diren portaerak dituen kanpaina

Nekazaritza-kanpaina bakoitzean, argitaratutakoaren arabera, “baldintza klimatologikoek markatzen dute izurrien eta belar txarren maila, bai eta laboreen gaixotasunen intzidentzia ere”. Hala, 2021-2022 kanpainak ezaugarri hauek izan zituen:

• Tenperatura leun eta prezipitazio moderatuko udazkena
• Prezipitazio altu eta hasieran tenperatura baxuko negua.
• Tenperatura beroetako udaberria, izotzarekin apirilean, martxoan eta apirilean prezipitazio normalekin eta oso gutzi maiatzean.
• Bero asko edo ikaragarria udan, eremuen arabera, eta lehorra prezipitazio urrien ondorioz.

Horrela, aldizkariak jasotzen duenez, “udaberrian eta, batez ere, udan tenperatura hain altuak izan zirenez, izurriteak oso azkar garatu ziren eta horietako batzuek hegaldi-tontor oso altuak izan zituzten”. Azken batean, adierazi du "ohikoak ez diren portaerak izan zirela, eta horien jarraipena eta kontrola normalean baino zailagoa izan zela”. Kanpainaren testuinguru horretan, Abisuen Estaziotik 192 abisu jakinarazi ziren, 105 informazio-orrirekin, laboreen osasun-arazoak prebenitzeko eta konpontzeko.

LIFE-IP NAdapta-CC proiektuaren gaurkotasun osoa ezagutu nahi baduzu, hileroko albiste buletinera harpidetu zaitezke formulario honen bitartez.