NASUVINSAk LIFE-IP NAdapta-CCren esparruan egindako tokiko ekintza klimatikoko jardunbide egokien lehen bideoa argitaratu da

Gaur argitaratu da ‘Deskarbonizatu zaitez: belaunaldien arteko sentsibilizazioa Berriozarretik’ izeneko bideoa. Bideo hau udalerriko udalak egin du, eta Landa Garapeneko eta Ingurumeneko Departamentuaren dirulaguntza bati esker egin da, 2030eko Tokiko Agendaren ekintzak ezartzeko. Klimarako eta Energía Iraunkorrerako Ekintza Planaren (PACES) barruan kokatzen da pieza, eta tokiko ekintza klimatikoaren jardunbide egoki gisa nabarmendu da.

Gainera, tokiko ekintza klimatikoarekin lotutako jarduera hori LIFE-IP NAdapta-CC proiektuari esker bultzatzen da, Nafarroako Gobernuko Ingurumen Zuzendaritza Nagusiaren eta NASUVINSAren eskutik, Alkatetza Itunaren konpromisoaren ekimenaren testuinguruan. Konpromiso horrekin bat egin dute dagoeneko Nafarroako 201 udalerrik.

Konpromiso hori betetzeko, udalek, LIFE-IP NAdapta-CCri esker, Klimarako eta Energia Iraunkorrerako Ekintza Planetan (PACES) lan egin dute. Plan horietan klima-aldaketara egokitzeko eta arintzeko eta pobrezia energetikoari aurre egiteko zenbait ekintza biltzen dira.

Jardunbide egokiak udalak protagonista gisa

Hainbat udalek dagoeneko jarri dituzte abian ekintza horietako batzuk, eta horietako batzuk nabarmendu nahi izan dira jardunbide egoki gisa, beste udalerri batzuetan inspiratzaileak eta errepikagarriak izan daitezkeelako. NASUVINSAk, LIFE-IP NAdapta-CCri esker, bideo batzuk egin ditu horiek zabaltzeko eta balioa emateko.

Lehen proiektu honen helburua Berriozarko Iruñalde Eguneko Zentroaren erabiltzaileei laguntzea izan da, inguruko inguruneetan ingurumenarekiko sentsibilizazio-subjektu bihur zitezen. Horrela, adinekoak inplikatu nahi izan dira, beren ezagutza eta jakinduria tradizionala aprobetxatuz, klima-aldaketari buruzko mezu jakin batzuk beste belaunaldi gazteagoei helarazteko.

Proiektuan zehar hainbat jarduera mota ere egin dira. Alde batetik, ibilaldi tematikoak egin dira, adinekoekin batera, zentzumenak estimulatzeko, fauna eta flora esploratzeko eta antzinako eta egungo bizimoduak kontrajartzeko jarduerak eginez, esperientziak partekatzeko eta gure ekintzen ondorioak balioesteko. Berotegi-efektuko gasen (BEG) eta, beraz, klima-aldaketak ingurunean eta pertsonengan duen eraginaren hazkundearen eragina ezagutzea izan da helburua, egungo inpaktuei nola erantzun, zer egin eta horiek murrizteko gogoeta egin ahal izateko.

Bestalde, ikasleen eta adinekoen artean belaunaldiak trukatzeko bi saio ere egin dira. Horietan, bi ikuspegi horietatik irtenbide eta ohitura berriak bilatzen saiatu gara, gizartea klima-aldaketaren aurkako borrokara egokitu ahal izateko.

Azkenik, zuhaitzak batera landatu dira, Berriozarko oinezkoentzako pasealeku bati itzala emateko.

Astean behin

Astero eta otsailaren 21 arte, tokiko ekintza klimatikoko jardunbide egokien beste bideo batzuk argitaratuko dira, eta Nafarroako Landa Garapeneko eta Ingurumeneko departamentuko kanalean egondo dira eskuragarri.

Gainera, udal korporazioren batek klima aldaketaren aurka martxan jartzen ari diren ekintzei ahotsa eman nahi badie, lifenadapta@navarra.es helbidearekin jar daiteke harremanetan, horren berri emateko.

LIFE-IP NAdapta-CC proiektuari buruzko informazio guztia jakin nahi baduzu, albisteen hileroko buletinean harpidetu zaitezke formulario hau betez.