LIFE-IP NAdapta-CC, NILSAren ‘Ur-tantak’ azken podcast-aren gai nagusia

NILSAk, LIFE-IP NAdapta-CCko bazkideak, podcast bat sortu berri du, ‘Ur-tantak’ izenekoa, hileroko episodioekin. I+G+b arloan garatzen ari diren ekintzak ezagutarazteko asmoa du, eta proiektu integratua da argitaratu den azkenaren gai nagusia. Podcast-a hemen entzun daiteke.

Orain arte sei emanaldi egin dira, non jardunaldi eta kongresuetako dibulgazioa, alerta goiztiarreko sareak, mantenugaien berreskurapena eta drainatze hiri-sistema iraunkorrak bezalako naturan oinarritutako soluzioak jorratu diren, besteak beste.

‘Ura’ eremuko ekintzak

Proiektu integratuari buruzko podcast-ak NILSAk ‘Ura’ eremuan garatutako ekintzak deskribatzen ditu, hala nola hondakin urak tratatzeko instalazioetako alerta goiztiarrak, saneamendu-sistemaren gainezkatzeen jarraipena egiteko sare bat edo drainatze hiri-sistema iraunkorren inplementazioa, Tuterako campusean proiektu integratuaren esparruan garatutako SUDSa bezalakoa.

LIFE-IP NAdapta-CC proiektuaren gaurkotasun osoa ezagutu nahi baduzu, hileroko albiste-buletinera harpidetu zaitezke formulario honen bitartez.