LIFE-IP NAdapta-CCk Ama Lurraren Nazioarteko Egunarekin bat egin du

Ama Lurraren Nazioarteko Eguna apirilaren 22an ospatzen da, 1970. urtetik aurrera, gainpopulazioak, kutsadurak, biodibertsitatearen kontserbazioak eta beste ingurumen-kezka batzuek sortutako arazoei buruz gizateria kontzientziatzeko helburuarekin. 53. edizio honetan, leloa #InvestiInOurPlanet da (Inbertitu gure planetan). Hala, Lurraren Egunaren Sareak aurten nabarmendu du garrantzitsua dela gure denbora, baliabideak eta energia ematea klima-aldaketarekin amaitzen laguntzeko, eta aliantza bat eskatu du planetaren alde, helburu hauekin: “(ausarki) jardutea, berritzea (modu zabalean) eta ezartzea (ekitatiboki). Enpresak, gobernuak eta herritarrak: denak ordezkatuta eta denak erantzule”.

Izan ere, klima-aldaketarekin zerikusia duten fenomenoek, hala nola muturreko beroak, baso-suteek, uholdeek eta bestelako gertakariek, milioika pertsonari eragiten diete maila globalean. Gizakiak naturan eragindako aldaketei gehituta, hala nola baso-soiltzeak, lurzoruaren erabilera-aldaketak, nekazaritza-gainprodukzioak edo abeltzaintza intentsiboko eredu jakin batzuek, planetaren suntsipen-erritmoa bizkortu dezakete.

Ildo horretan, LIFE-IP NAdapta-CC proiektuak aurrea hartu nahi die klima-aldaketarekin eta giza ekintzarekin zerikusia duen aldaketa globalaren ondorioz gerta daitezkeen aldaketei, klima-aldaketaren ondorio negatiboak ahal den neurrian gutxituko dituzten egokitzapen-neurriak garatuz. Egokitzapen-neurri goiztiar eta ondo planteatutako horiek etorkizun hobea ekar dezakete.

Klima-aldaketa zalantzarik gabeko errealitatea da, eta gizateriaren ingurumen-erronka handienetako bat. LIFE-IP NAdapta-CC proiektua estrategia integratua da eskualde bat, Nafarroa, klima-aldaketara egokitzeko, eta Nafarroak nazioarteko konpromisoari egiten dion ekarpenaren parte da.