Cohesión Territorial ejecuta 80 kilómetros de infraestructuras ciclistas con una inversión de 1,8 millones de euros

Lurralde Kohesiorako Departamentuak, Garraioen eta Mugikortasun Jasangarriaren Zuzendaritza Nagusiaren bitartez, bizikleta-azpiegituren zazpi proiektu gauzatu ditu 1,8 milioi euroko inbertsioarekin, eta, horrela, klima-aldaketaren aurkako borrokan funtsezko elementu gisa mugikortasun iraunkorrarekin duen konpromisoa nabarmendu du.

Emakida hau, zuzendaritza nagusi honen eskutik antolatzen diren bizikleta-azpiegituren finantzaketarako lehen deialdi publikoaren bidez burutu da, zeinetan 19 udal barne hartu dituzten 7 proiektu hautatu ziren. Diru-laguntzak obra bakoitzaren kostu totalaren % 85a estali du, 400.000 euroko gehienekoaren arabera. Gaur egun, horiek guztiak exekutatuta daude eta jarduketak 80 kilometrotan zehar burutu dira.

Lurralde Kohesioak bizikletaren erabileraren aldeko apustu irmoa egiten du, garraiobide osasuntsu, jasangarri hala nola segurua delakoan, laguntza hauen bitartez finantzatutako azpiegiturei esker. Proiektu hauek babestu egiten dute Nafarroako Gobernuak erakusten duen bizikleta egunerokotasunean erabiltzeko sustapenaren ikuspegia.

7 proiektuak, zehatz-mehatz

Bisoiaren Bizikleta-Ibilbidea. 538.425 euroko kostu batekin eta 400.000 euroko diru-laguntzarekin, 4 udalerri lotzen ditu 41 km-ko ibilbidean zehar, era honetan eguneroko mugikortasuna hobetuz eta aisialdia sustatuz.

Azkoiengo bidegorriaren ezarpena. Hirigintza-planaren baitan hartuta, honen kostua 301.835 eurokoa da eta 256.560 euroko diru-laguntzarekin kontatu du eta erraztu egiten du herriguneak eskola- eta kirol-eremuekin duen konexioa.

Lesakako bide berdearen konexioa. 754.827 euroko kostuarekin eta 400.000 euroko diru-laguntza batekin, Bidasoaren bide berdea eta Lesakako hirigunea lotu ahal izateko aukera ematen du, 1 km-ko ibilbide batean.

Tutera-Fontellas-Bocal bidegorriaren luzapena. 463.010 euroko kostu batekin eta 393.558 euroko diru-laguntza batekin, Tuterako azpiegitura hedatzen du, Fontellas udalerriari argiztapena emanez.

Zizur Zendeako begizta itxurako bizikleta-sarea. 332.566 euroko kostuarekin eta 251.411 euroko diru-laguntzarekin, 25 km estaltzen ditu, helburua Done Jakue Bidea zenbait herrigunerekin konektatzea izanik.

Lizarra eta Villatuerta arteko bizikleta-bidea. 312.412 euroko kostu bat izanik eta 82.462 euroko diru-laguntzarekin kontatuz, 7,1km-ko bide horren lehen kilometroan, bidearen konexioa hobetu egin da.

Hegoaldeko Nafarroa Kirol Mankomunitateko eraztun itxurako bizikleta-bideen seinaleztapena. Guztira 36.000 euroko inbertsioa eginez eta Nafarroako Gobernuaren 20.738 euroko finantzaketarekin kontatuz, exekutatu diren jarduketen artean, Ablitas, Buñuel, Cabanillas, Fitero, Fustiñana, Murchante eta Ribaforada udalerriez osatutako Hegoaldeko Nafarroa Kirol Mankomunitatean aurkitzen diren aipatu eraztun itxurako bizikleta-bideen noranzko- eta informazio-seinaleztapena dago.

Garraioen sektorea HCCN-KLINAn

Nafarroako Klima Aldaketari Aurre Egiteko Bide Orriak (HCCN-KLINA) garraio publikoaren eta emisiorik gabeko ibilgailuen sustapena jasotzen du, kasu honetan bizikletarena, garraioaren sektorean funtsezkoa den neurrian.

Hiri-espazioetan, garraio pribatu konbentzionalaren erabileran disuasioak, oinezkoentzako bideen, zirkulazio-eremu mugatuen edo aparkatze arautuen bidez, alternatibekin konbinatuta, hala nola bizikleta publikoen zerbitzuak edo emisio gutxiago dituzten ibilgailuentzako abantailak, emisioak murriztea errazten du, beste inpaktu positibo batzuk izateaz gain, hala nola airearen kalitatea hobetzea edo oinezkoentzako hiri-espazio lagunkoiagoak sortzea.