Nasuvinsaren ‘BehaLUR-mapekin hitz eginez’ argitalpen digitalak otsailean argitaratu zuen LIFE-IP NAdapta-CCren monitorizazio-atariaren bidez egindako Nafarroan izozte-egunen beherakadari buruzko azterketa.

‘BehaLUR-mapekin hitz eginez’ lurralde-inpaktua duten fenomenoen aldizkako azterketa eskaintzen du, datuak eta web-mapak erabiliz, gai bakoitzean adituak diren pertsonen parte-hartzearekin. Emaitza storytelling teknikak erabiliz hedatzen da.

Azken argitalpenean, izozte egunak aztertu dira proiektu europarraren monitorizazio atariaren bidez, klima analisien ohiko aldagaia eta nekazaritza katearen adierazle delako.

Gainera, artikuluan adierazten denez, “LIFE-IP NAdapta-CC proiektuaren esparruan egindako ‘Nafarroako klima-aldakortasunari buruzko azterlana’-ren arabera, beste emaitza batzuen artean, tenperaturen goranzko joerarekin batera, izozte-egunen murrizketa, bero-boladen magnitudearen eta maiztasunaren igoera, idortasunaren eta udako lehorteen igoera gertatzen dira”.

Izozte-egunen beherakada handia

Argitalpenetik ondoriozta daitekeenez, nabarmen jaitsi da izozte-egunen kopurua, eta joera beheranzkoa da aztertutako hamahiru estazioetan, eta estatistikoki esanguratsua horietako hamabitan. Hala, adierazten du estazio batzuetan serie historikoaren joerak erakusten duela 2021ean izozte-egunen kopurua erdira jaisten dela 1961aren aldean (adibidez, Caparroson joera-lerroak erakusten dituen datuak 39 egunetik 20ra bitartekoak dira, eta Artikutzan 41 egunetik 23ra bitartekoak).

LIFE-IP NAdapta-CC proiektuaren gaurkotasun osoa ezagutu nahi baduzu, hileroko albiste buletinera harpidetu zaitezke formulario honen bitartez.