Dozena bat kirol-klubek bat egin dute Ingurumeneko Zuzendaritza Nagusiaren kanpainarekin, dutxan ura aurrezteko

Aedona elkartearen, Nafarroako Unibertsitate Publikoaren (NUP), Nafarroako Kirolaren eta Jarduera Fisikoaren Institutuaren (NKJFI) eta Nafarroako Udal eta Kontzejuen Federazioaren barruko dozena bat kirol-klub ezagunek bat egin dute Foru Exekutiboko Ingurumen Zuzendaritza Nagusiak joan den udan hogeita hamar bat udalekin abian jarritako kanpainarekin, herritarrak dutxatzean gehienez 4 minutu irauteko, ura xahutzea saihestu eta, era horretan, klima-aldaketa arintzen laguntzearren.

Horrela, klub horiek eta NUPek itsasgarriak jarriko dituzte beraien kirol-instalazioetan, gehienez ere 4 minututan dutxatzea gomendatuz, eta sentsibilizazio-ekintza hori azaltzeko infografiak banatuko dituzte herritarren artean, etxean edo kirol-eremuan uraren erabilera arduratsua egiteko beharrari buruz, ingurumen- eta osasun-arrazoiengatik.

Nafarroako Gobernuko Landa Garapen eta Ingurumen kontseilari José Mª Aierdik Larrabideko instalazioetan aurkeztu ditu gaur bere departamentuak bultzatzen duen ura aurrezteko kanpainaren azken atxikimenduak, klima-aldaketara egokitzeko Europako LIFE-IP NAdapta-CC proiektuaren esparruan. Ekitaldi horretan, kirol eta udal erakundeetako hainbat ordezkarik parte hartu dute, baita ekimen horri babesa adierazi nahi izan dioten kirolariek ere: Aixa Wone, Endesa Ligako Osés Ardoi taldeko jokalaria, edo Josu Mendive, Xotako aretoko futbolaria, besteak beste.

(Albiste honi buruz gehiago jakin nahi baduzu, mesedez kontsulta ezazu gaztelaniazko bertsioa. Goiko nabigazio barran alda dezakezu hizkuntza).