‘Larrialdi klimatikoa: egokitzapena klima-aldaketari aurre egiteko tresna eraginkor gisa’ kurtsoaren zazpigarren jardunaldiak azpiegituren egokitzapena jorratuko du

Bihar, urtarrilak 31 asteartea, ‘Larrialdi klimatikoa: egokitzapena klima-aldaketari aurre egiteko tresna eraginkor gisa’ ikastaroaren zazpigarren jardunaldia ospatuko da. ‘Azpiegituren egokitzapena’ izenburupean, ikastaroak hiru hitzaldi izango ditu oraingoan: Eraikitako ingurunea eta azpiegiturak egokitzea; LIFE Vía de la Plata proiektua; eta lankidetza publiko eta pribatuaren bitartez finantzatutako klima-aldaketara egokitzeko azpiegitura berdeei buruzko higurarren hitzaldi bat.

Unibertsitatea zabaltzeko ikastaroa doakoa da, Ingurumeneko Zuzendaritza Nagusiaren (LIFE-IP NAdapta-CCren bidez), Meteorologiako Estatu Agentziaren (AEMET) Nafarroako Ordezkaritzaren eta Tuterako Urrutiko Hezkuntzarako Unibertsitate Nazionalaren (UNED) arteko lankidetza-hitzarmenaren emaitza.

Prestakuntzak mila pertsona baino gehiago ditu izena emanda, eta 2023ko apirilaren 18ra arte luzatuko da; 20 eskola-ordu izango ditu, hamaika saiotan banatuta, 18:00etatik 20:00etara iraungo dutenak, eta unibertsitate-kreditu batean balioetsita dago. Saio horien helburu orokorra ikasleei klima-aldaketaren arloko oinarrizko ezagutzak ematea da.

Nahi duten eta oraindik izena eman ez duten pertsonek doan egin dezakete esteka honetan:  

Online matrikula

Hizlariak

Prestakuntzaren zazpigarren jardunaldi hau bihar izango da, eta honako hiru pertsona hauek izango dira hizlari:

• Beatriz San Martín Zaragüeta, Navarra de Suelo y Vivienda-ko (NASUVINSAko) LIFE-IP NAdapta-CC proiektuaren arduraduna eta arkitektoa.

• Beatriz Diosdado Calvo, LIFE Vía de la Plata proiektuaren koordinatzailea. Salamancako Udaleko arkitektoa.

• Román Andrés Bondía, Arkitekto urbanista eta IoT masterra. LIFE Vía de la Plata proiektua.

• Marta Reguilón del Monte, LIFE CituAdap3 proiektuko teknikaria. Aholkularia EuroVértice Consultores-eko Ingurumen Sailean.

Biharko egitaraua:

7. saioa “Azpiegituren egokitzapena”

18:00etatik 20:00etara.

Eraikitako ingurunea eta azpiegiturak egokitzea - Beatriz San Martín

LIFE Vía de la Plata proiektua - Beatriz Diosdado y Román Andrés

Klima-aldaketara egokitzeko azpiegitura berdeak, lankidetza publiko eta pribatuaren bitartez finantzatuak - Marta Reguilón