Nafarroak Auzoak birgaitzeko programa abiatu du 15 milioi euroko inbertsioarekin, erdia Next funtsetatik

Nafarroako Gobernua Foru Komunitateko hainbat herritako hamaika auzotako bizitegi-eraikinen birgaitze energetikoa sustatzen ari da laguntza publikoen aparteko injekzio batekin, esku-hartze horiek beren inguruetako hiri-ehuna biziberritzeko eta birsortzeko palanka gisa jardun dezaten. 

Helburu honekin, Nafarroak jada abian jarri du, Next Generation funtsak aprobetxatuz, Auzoak birgaitzeko hirigintza programa, Jose Maria Aierdi foru Gobernuko bigarren lehendakariordeak zuzentzen duen Departamentuari dagokion etxebizitzen eta eraikinen birgaikuntza energetikorako Biziberri plana dakarren laguntzen sei lerro barne dituzten auzokideen erkidegoetarako diru-laguntzen eta laguntza teknikoaren azkeneko deialdia.

Nafarroako Gobernuak toki entitate inplikatuekin lankidetza estuarekin kudeatuko duen programaren helburua auzo eskalako hiri-esparruak eta espazio publikoak birgaitzea da, izan ere, bere narriadura egoeragatik eta gizarte zaurgarritasunagatik, esku-hartze berezi bat beharko dute bere eraikinen birgaikuntza energetiko integrala lortze aldera.

Esparruen mugaketa, alegia ERRP-ak (Birgaikuntza Programatuko Egoitza Esparruak), programan parte hartzea erabaki duten udalen ardura izango da eta hemendik aurrera foru Exekutiboaren Etxebizitza Departamentuak zuzenduko ditu, laguntzen emakida eta Nasuvinsa sozietate publikoaren eta ORVE-etako talde tekniko profesionalen laguntzak baliatuz, auzokide-erkidegoetako mobilizazio prozesuak eta birgaikuntza energetikoaren proiektuen sustapena.

Abendutik komunitatetara zuzendutako deialdiak

Jose Mª Aierdi Nafarroako Gobernuko lehendakariorde eta Etxebizitzako titularrak, Ana Bretaña Zuzendari Nagusiak eta Juan Carlos Castillo Nafarroako Udalerri eta Kontzejuen Federazioko (FNMC) lehendakariak duela egun batzuk aurkeztu zituzten Auzoen programa hau, eta bere deialdiak zabalik daude foru Exekutiboak eta udal inplikatuek joan den abenduan Madrilen Next Generation-ekin finantzatutako laguntza osagarri hauen lerro hau sinatu zutenetik.

Biziberri planaren Auzoak programak 480 etxebizitzen birgaikuntza energetikoa dakar, lehen esperientzia batean exekuzio akordioa duten eraikin komunitariotan. Jarduketa hauek ondorengo fasetan ERRP hauen barne dauden beste mila etxebizitza gehiagotara hedatu ahal izango dira. Lehenengo jarduketetan berriztatuko diren etxebizitzak hamar udalerriko hamaika auzotan (izan ere, Iruñak bi dakartza) banatuta daude; Nafarroako hiriburuaz haratago, Burlata, Antsoain, Atarrabia, Tutera, Lizarra, Tafalla, Lesaka, Lekunberri eta Uharte-Arakil udalerrietan.

Hamaika auzo hauetako esku-hartzeek denera 15 miloi euroko inbertsio bat aurreikusten dute; nagusiki erabiliko da etxebizitza kolektibotako eraikinetan inguratzaile termikoak jartzeko, horien eraginkortasun energetikoa hobetzeko eta espazio publikoetako hainbat jarduketetarako. Jarduketa hau, Next Generation programa europarraren ardurapeko 7,6 milioi euroko injekzio batekin – inbertsioaren erdia- osatuko da, aurrezki energetikoaren maila jakin batzuk lortzearekin baldintzatuta; Nafarroako Gobernuaren diru-laguntzen sistema iraunkorrarekin hornituko diren beste 3,6 milioi, erantsiko dira, toki entitateek beste 800.000 euroren ekarpena eginez. Laguntza hauek, betiere, baldintzatuta daude, izan ere, auzokideen erkidego onuradunek orain bere eraikinen birgaikuntza proiektuak sustatu beharko dituzte, halaber bere inbertsio pribatu propioaz programaren gainerako 3 milioiak mobilizatu behar izanik.

“Gure hiri, auzo eta herrietako bizitza aldatzea”

“Biziberri planeko auzoen lerroa, eraikinen birgaikuntza energetikoari jarraiki, ahalmen eraldatzaile handiago batekin dator, izan ere, hiri-ehunaren ingurumen, gizarte hala nola birgaikuntza onurak bateratzen ditu, hau da, gure hiri, auzo eta udalerrietako bizitza eta bizikidetza berreskuratu eta aldatzeko hiru faktore nagusienak”, arbuiatu zuen Aierdi lehendakariordeak.

Estatu multzo osotik16 udal atxiki dira oraindaino Auzoak programarekin, eta honek Next Generation funtsen finantzaketarekin kontatzen du; horietako 10 nafartarrak dira. Euskadin lau atxiki dira (Bilbao, Durango, Eibar eta Lasarte), Madrilgo Komunitatean Getafe eta Extremaduran Almendralejo. Etxebizitza kopuruaren harira, hamar udalerri nafarretako 480ek totalaren heren bat ordezkatzen dute Estatuan.

Juan Carlos Castillo Nafarroako Udal eta Kontzejuen Federazioko lehendakariak esker ona adierazi zuen Nafarroako Gobernutik nahiz Nasuvinsa-tik eginiko lana, nabarmenduz “udalek proiektu hauek hautatzeko eginiko esfortzua eta horien hein bat finantzatzeko bere eskuragarritasuna”. “Horrela etxebizitzetako eraginkortasun energetikoa hobetzea eta pobrezia energetikoari aurre egitea lortuko dugu, alkatetza hitzarmenean ezarritako helburuak betetzen laguntzen diguten arloak alegia”, erantsi zuen.

Auzoak programa jadanik aktibatu eta barreiatzeaz gainera, Ana Bretaña Etxebizitzako zuzendari nagusiak halaber arestian sustatutako Biziberri planeko bestelako deialdietan barne hartu dituen bestelako hobekuntza garrantzitsuak eman zituen ezagutzera. Horrela, proiektu gehiago barne hartzeko edota proiektu konplexu hauek dakartzaten izapideak arintzeko laguntzen edo doikuntzen kopuruen hazkundea izan zuen hizpide.

Hain zuzen, joan den urtarrilaren 5eko NAOn PREE 5000-ko (landa birgaikuntza) eta Eraikinetako laguntzen deialdien aldaketa argitaratu zen. Lehenengoan, funts horien esleipena 1,7 milioi eurotik 3,4 milioi eurotara bikoiztu da eta azalera totalaren egoitza-erabileraren baldintza % 70etik % 25era murriztu da estaldura Kantauriko Nafarroako etxebizitza bereizgarrien tipologiara hedatzeko.

Eraikinen inguratzaile termikoen programaren harira, deialdi berriak MRR-en laguntza europarrak Nafarroako Gobernuaren birgaikuntzako iraunkorrekin bateratzeko aukera finkatzen du eta horrek ahalbidetzen du diru-laguntzak etxebizitza bakoitzeko 17.500 eurora arte edo landa-eremuetako etxebizitza bakoitzeko 20.000 eurora arte hedatzea.