14 proiektu nafar saritu dituzte tokiko garapen jasangarriko jardunbide egokiengatik

Nafarroako toki-garapen jasangarriko hamalau proiektu sarituko dituzte beren jardunbide egokiengatik, ‘Jose Ignacio Sanz Arbizu’ Nafarroako Foru Erkidegoko Toki Garapen Jasangarriko Jardunbide Egokien Sariaren 12. edizioan. Ekitaldia azaroaren 25ean, asteazkena, izango da Iruñeko Kondestablearen Jauregian.

Horrela, Jardunbide Egokien diplomak, Aipamen Berezien diplomak eta, azkenik, Praktika Onenen Trofeoak eta Diplomak emango dira. Azken puntu horretan, praktikarik onenak hiru dira:

• ‘Espigamendua berreskuratzea gizarte- eta ingurumen-balio gisa’, Buruxka’ praktika. Deierriko Udalak aurkeztua.

• ‘Tokiko iraunkortasuna Larragako Ikastetxetik' praktika. Izarbeibarko Mankomunitateak aurkeztua.

• ‘Santa Barbarako Muinoan Lurraldea Zaintzeko Eskola' praktika. El Castillo Fundazioak eta Tuterako Udalak aurkeztua.

Antolakuntzaren arabera, aurten aurkeztutako hautagaitzek Nafarroako toki entitateen eta herritarren elkarteen ahalegina eta uste osoa erakusten dute gure gizartean planteatzen diren eskaera eta larrialdiei iraunkortasunetik erantzuteko orduan, hala nola klima aldaketari, tokiko ekonomiari, mugikortasun iraunkorrari eta azpiegitura berdeari, besteak beste.

Aurkeztutako proiektuen maila altua ere nabarmendu nahi izan du epaimahaiak. Izan ere, lehen hiru sariek: ‘Espigamendua berreskuratzea gizarte- eta ingurumen-balio gisa, Buruxka’, ‘Tokiko Iraunkortasuna Larragako Ikastetxetik’ eta ‘Santa Barbarako Muinoan Lurraldea Zaintzeko Eskolak’, kalitatea eta lurraldearekiko egokitzapena ez ezik, begirada desberdinak gehitzea eta tokiko komunitateak indartzea dute helburu, une honetan hain beharrezkoak diren berrikuntza sozialak sustatzeko.

Normalean, aipatzen dute, iraunkortasuna egungo beharrei erantzuteko ahalegina dela, etorkizuneko premien arreta arriskuan jarri gabe. “Baina hori baino askoz gehiago da. Gainera, gure ohiko jardueran begirada eta ikuspegi desberdinak sartzeko ahalegina da. Genero-ikuspegia, begirada zahartze aktibotik, tokiko ekonomiarekiko kezka, biodibertsitatearen babesa, klima-aldaketaren prebentzioa, berotze globalera egokitzea, neurri batean saihestezina, hori guztia despopulazio-arriskua eta beste arrisku batzuk kontuan hartuta”.

Eta, gaineratu dutenez, “ingurumen- eta gizarte-erronken aurrean, komunitate erresilienteen sorrera sustatzea ere bada: ezagutza, hezkuntza eta gizarte-artikulazioa lantzea, orain arte ezagutzen ez genituen zailtasunetan jartzen gaituzten egoera horiei aurre egiteko gaitasun handiagoa izan dezagun”.