LIFE-IP NAdapta-CCk Hondamendien Arriskua Murrizteko Nazioarteko Eguna (#DRRDay) ospatzen du
Aurten, pertsonei transmititutako hondamendien arriskuari buruzko informazioaren eta ebaluazioen mehatxu anitzei buruzko alerta goiztiarreko sistemen eskuragarritasuna areagotzea izango da hitzorduaren ardatza, eta 2030erako horiek eskuratzea.
13-10-2022
Urtero bezala, gaur, urriak 13, Hondamendiak Murrizteko Nazioarteko Eguna ospatzen da, hondamendi naturalen ondoriozko arriskuak minimizatzeko eta fenomeno naturalei aurre egiteko prebentzioari eta prestakuntzari buruzko mundu mailako kultura sortzeko helburua duena.
Ildo horretan, LIFE-IP NAdapta-CCk hainbat ekintza garatu ditu proiektuko Uraren arloan. Helburua da ibaien ur-goraldien inpaktua minimizatzea, alerta goiztiarreko sistemen, udalerrietarako autobabes-planen eta ibaiak lehengoratzeko proiektuen bidez.
2022an, nazioarteko egun hau Sendaiko Markoaren G Helburuan zentratuko da: “Mehatxu anitzei buruzko alerta goiztiarreko sistemen erabilgarritasuna nabarmen areagotzea, baita pertsonei transmititutako hondamendien arriskuari buruzko informazioa eta ebaluazioak ere, eta 2030erako horiek eskuratzea”.
Sendaiko Markoa
Sendaiko Markoak 7 helburu estrategiko eta 38 adierazle ditu hondamendien arriskua murrizteko aurrerapenak eta horiek eragiten dituzten galerak neurtzeko. Adierazle horiek harmonizatu egiten dute Sendaiko Markoaren aplikazioa Klima Aldaketari buruzko Parisko Akordioaren inplementazioarekin, Garapen Iraunkorreko Helburuak (GJH) lortzeko.
2022ko edizioa Sendaiko Markoaren aplikazioaren aldiaren erdia berrikusten den bitartean egingo da, eta berrikuspen hori Nazio Batuen Batzar Nagusiak 2023ko maiatzean egingo duen goi-mailako bilera batean amaituko da.
Hondamendien arriskua eta bizi-galera, mantenu-bitartekoak, ekonomiak eta oinarrizko azpiegiturak prebenitzeko eta murrizteko bidean egindako aurrerapenak aitortzeko aukera bat da, hondamendien eta galera globalen arriskua murrizteko nazioarteko akordioarekin bat etorriz: 2015-2030 aldirako Hondamendien Arriskua Murrizteko Sendaiko Markoa, 2015eko martxoan onartua.
LIFE-IP NAdapta-CC eta hondamendi-arriskua murriztea
Hondamendien Arriskua Murrizteko Nazio Batuen Bulegoaren (UNISDR) arabera: “Hondamendiak ez dira naturalak, naturako fenomenoen aurrean gertatzen diren ez-egiteen eta prebentzio eta planifikazio faltaren ondorio baizik”.
Ildo horretan, LIFE-IP NAdapta-CCren bidez, tokiko autobabeserako planak eta uholdeei aurre egiteko alerta goiztiarreko sistemak garatu dira (C2.4 ekintza), iragarpen hidrologikoak errazteko eta erantzun-denborak murrizteko; uholdeei aurre egiteko autobabes-planak sustatu dira (C2.5 ekintza); eta ibaiak lehengoratzeko proiektuak, uholdeen inpaktua murrizteko (C2.6 ekintza).
LIFE-IP NAdapta-CC proiektuari buruzko gaurkotasun osoa ezagutu nahi baduzu, hileroko albiste-buletinera harpidetu zaitezke formulario honen bitartez.