Eduki publikatzailea

INTIAk udako baratzezaintzari buruzko jardunaldi tekniko bat antolatu du LIFE-IP NAdapta-CCren laguntzarekin

Irailaren 1ean izango da, INTIAk Cadreitan duen finka esperimentalean, eta, besteak beste, klima aldaketak labore horietan duen eragina aztertuko du.

29-08-2022


INTIA sozietate publikoak udako baratze-laboreei buruzko jardunaldi tekniko bat antolatu du, LIFE-IP NAdapta-CCren laguntzarekin. Jardunaldia irailaren 1ean izango da, 9:00etatik 13:00etara, Cadreitako finka esperimentalean. Ekitaldia nekazaritzako ustiategietako titularrei eta langileei zuzenduta dago, bai eta nekazaritzako elikagaien industrietako teknikariei ere, eta gainera, soroan entseguak egiteko bisitak izango dira.

Hitzorduaren bidez, udako baratze-laboreen egungo arazoak, INTIAk Cadreitako finkan egindako saiakuntzen emaitzak eta, gainera, klima-aldaketak labore mota horietan duen eragina aurkeztuko dira. Era berean, tomatea eta piperra ureztatzeko gomendioen sistemaren bilakaera aztertuko da, eta udako baratze-laboreetan probatutako barietateen ezaugarriak, izurriteen kontrola eta industriara bideratutako piperrak ongarritzeko estrategiak ezagutaraziko dira.

 

Parte hartzea doakoa da, abuztuaren 30a baino lehen izena eman ondoren.

 

Jardunaldiaren egitaraua

 

9:00 Parte-hartzaileen harrera

9:15 Jardunaldiaren aurkezpena Carlos Marzo (INTIA)

9:30 Klima-aldaketa eta nekazaritza-ekoizpena Peio Oria (AEMET)

10:00 Barazkiak (piperra eta tomatea) ureztatzeko gomendioaren bilakaera Natalia Murugarren (INTIA)

10:30 Iruzkinak eta galderak

10:40 Etenaldia

11:20 Landa-entseguen bisita

Tomatea haragi osoko tomatean txertatuta. Iñigo Arozarena (INTIA)

Estrategiak RDC tomate zurituan. Carlos Marzo (INTIA)

Tomatean akaroak kontrolatzea. Noelia Telletxea (INTIA)

Ongarritze nitrogenatuko estrategiak industriako piperretan. Lucía Sánchez/Íñigo Arozarena (INTIA)

Udako baratze barietateen saiakuntzetara bisita librea Iñigo Arozarena (INTIA)

13:00 Jardunaldiaren amaiera