‘Larrialdi klimatikoa: egokitzapena klima-aldaketari aurre egiteko tresna eraginkor gisa’ kurtsoaren zortzigarren jardunaldiak baso-larregintza jorratuko du

Bihar, otsailak 21 asteartea, ‘Larrialdi klimatikoa: egokitzapena klima-aldaketari aurre egiteko tresna eraginkor gisa’ ikastaroaren zortzigarren jardunaldia ospatuko da. ‘Baso-larregintza’ izenburupean, ikastaroak lau hitzaldi izango ditu oraingoan:

Baso -larregintza, suteen eta klima-aldaketaren aurkako baso-kudeaketa, Nafarroako Gobernuaren Baso eta Ehiza Zerbitzuaren jardueran baso-larregintza integratzea, eta abeltzaintza klima-aldaketara egokitzeko Ekintza Estrategikoaren Plana.

Unibertsitatea zabaltzeko ikastaroa doakoa da, Ingurumeneko Zuzendaritza Nagusiaren (LIFE-IP NAdapta-CCren bidez), Meteorologiako Estatu Agentziaren (AEMET) Nafarroako Ordezkaritzaren eta Tuterako Urrutiko Hezkuntzarako Unibertsitate Nazionalaren (UNED) arteko lankidetza-hitzarmenaren emaitza.

Prestakuntzak mila eta ehun pertsona baino gehiago ditu izena emanda, eta 2023ko apirilaren 18ra arte luzatuko da; 20 eskola-ordu izango ditu, hamaika saiotan banatuta, 18:00etatik 20:00etara iraungo dutenak, eta unibertsitate-kreditu batean balioetsita dago. Saio horien helburu orokorra ikasleei klima-aldaketaren arloko oinarrizko ezagutzak ematea da.

Nahi duten eta oraindik izena eman ez duten pertsonek doan egin dezakete esteka honetan: 

Online matrikula

Biharko egitaraua:

18:00-20:00 h. “Baso-larregintza”.

• Baso-larregintza - Alfonso San Miguel

• Suteen eta klima-aldaketaren aurkako baso-kudeaketa - Íñigo Ayechu

• Nafarroako Gobernuaren Baso eta Ehiza Zerbitzuaren jardueran baso-larregintza integratzea - Salomé Hernando eta Irantzu Primicia

• Abeltzaintza klima-aldaketara egokitzeko Ekintza Estrategikoaren Plana - Mireia Llorente eta Julio Majadas

Zortzigarren saio honetan arituko diren hizlarien curriculuma:

• Alfonso San Miguel Ayanz.  Madrilgo Unibertsitate Politeknikoko (UPM) katedraduna. Mendi, Baso eta Natur Ingurunearen Ingeniaritzako Goi Eskola Teknikoa

• Íñigo Ayechu Urtasun.  LIFE-IP NAdapta-CC proiektuko teknikaria, eta Bazka eta Larreetako teknikaria Nekazaritzako Elikagaien Teknologia eta Azpiegituren Nafarroako Institutuan (INTIA)

• Irantzu Primicia Álvarez. LIFE-IP NAdapta-CC proiektuan basoen arloko teknikaria eta Nafarroako Gobernuko Basogintza Plangintza eta Ingurumen Hezkuntza Ataleko Baso Plangintzako Ingeniari Teknikoa

• Mireia Llorente Sánchez. LIFE LiveAdapt proiektua. Fundación Entretantos-eko biologoa.

• Julio Majadas Andray. LIFE LiveAdapt proiektua. Fundación Entretantos-eko biologoa.

• Salomé Hernando Chicote.  LIFE-IP NAdapta-CC proiektuko basoen arloko arduraduna eta Nafarroako Gobernuko Baso Plangintza eta Ingurumen Hezkuntzako Ataleko burua.