‘Larrialdi klimatikoa: egokitzapena klima-aldaketari aurre egiteko tresna eraginkor gisa’ kurtsoaren laugarren jardunaldiak nekazaritza egokitzeko hainbat estrategia jorratuko ditu

Bihar, azaroak 29 asteartea, ‘Larrialdi klimatikoa: egokitzapena klima-aldaketaren aurrean tresna eraginkor gisa’ kurtsoaren laugarren jardunaldia izango da. ‘Nekazaritza egokitzea’ izenburuarekin, oraingo honetan, ureztatzearen kudeaketa eraginkorrarekin eta izurriteen kudeaketa integratuarekin lotutako klima-aldaketara egokitzeko estrategiak jorratuko dira. Estrategia horiek Nafarroan egin dira, LIFE-IP NAdapta-CCren esparruan, eta, gainera, LIFE Agromitiga proiektuaren inguruan karbono-nekazaritza adimendunaren bidez klima-aldaketa arintzeko egindako estrategiak azalduko dira.

Kurtsoa, unibertsitatea zabaltzekoa, Ingurumeneko Zuzendaritza Nagusiaren (LIFE-IP NAdapta-CCren bidez), Estatuko Meteorologia Agentziaren (AEMET) Nafarroako Ordezkaritzaren eta Tuterako Urrutiko Hezkuntzarako Unibertsitate Nazionalaren (UNED) arteko lankidetza-hitzarmenaren emaitza da.

Prestakuntzak mila pertsona baino gehiago ditu izena emanda, eta 2023ko apirilaren 18ra arte luzatuko da; 20 eskola-ordu izango ditu, hamaika saiotan banatuta, 18:00etatik 20:00etara iraungo dutenak; eta unibertsitate-kreditu batean balioetsita dago. Saio horien helburu orokorra ikasleei klima-aldaketaren arloko oinarrizko ezagutzak ematea da.

Nahi duten eta oraindik izena eman ez duten pertsonek doan egin dezakete esteka honetan:

Online matrikula

Hizlariak

Bihar egingo den prestakuntzaren laugarren jardunaldi honetan, LIFE proiektu banari helduko dioten hiru pertsona izango dira, eta honako hauek dira:

• Marta Goñi Labat, LIFE-IP NAdapta-CC proiektua. I+G arloko teknikaria Nekazaritzako Elikagaien Teknologia eta Azpiegituren Nafarroako Institutuan (INTIA).

• Carmen Goñi Górriz,  LIFE-IP NAdapta-CC proiektua. Nekazaritzako Elikagaien Teknologia eta Azpiegituren Nafarroako Institutuko (INTIA) Abisuen Estazioko arduraduna.

• Julio Román Vázquez, LIFE AgroMitiga proiektua. Nekazaritzako ingeniaria Kordobako Unibertsitatean. Kontserbazioko Nekazaritzako Europako Federazioko (ECAF) proiektuen kudeatzailea.

Biharko egitaraua:

4. saioa. “Nekazaritza egokitzea”

18:00etatik 20:00etara.

Ureztatzearen kudeaketa: ureztatze-erabilera eraginkorreko estrategiak. – Marta Goñi Labat.

Izurriteen kudeaketa integratua: abisu-estazio digitalaren lankidetza-eredua - Carmen Goñi Górriz.

LIFE AgroMitiga: Karbono-nekazaritza adimendunaren bidez klima-aldaketa arintzeko estrategiak - Julio Román Vázquez.