LIFE-IP NAdapta-CC hirien eraldaketa iraunkorrari buruzko Zaragozako Conama Localen izan da

Nafarroako Gobernuko eta LIFE-IP NAdapta-CCko NASUVINSA – Lursareko teknikariak Zaragozan izan ziren Conama Local 2023 topaketaren azken jardunaldian, Conama Fundazioak eta Zaragozako Udalak antolatutako jasangarritasunaren aldeko herri eta hirien topaketan. Topaketara 120 aditu baino gehiago eta 500 parte-hartzaile inguru gerturatu ziren.

Topaketa-foro horiek LIFE Integrado proiektuen emaitzak zabaltzeko, helarazteko eta erantzuteko aukera ematen dute; baita, kasu zehatz honetan, tokiko ekintza klimatikoari buruzko esperientziak trukatzeko aukera ere. LIFE-IP NAdapta-CCk C1.2 ekintzaren inguruan dihardu, Klimaren eta Energiaren aldeko Alkatetzen Itunaren munduko ekimenarekin lotuta.

Espainiako zazpi hiritako esperientziak

Lehenengo bi jardunaldietan, hiri-birnaturalizazioa (hiriarentzako eta lurraldearentzako osasun-natura bikotea edo azpiegitura berdeen zeregina hiri-eraldaketarako palanka gisa) eta ekonomia zirkularra (hiri eta lurralde zirkularragoak bultzatzea, esaterako) ardatz hartu ondoren, azken jardunaldian, EBk aukeratu dituen Espainiako zazpi hirien esperientziak aurkeztu ziren, 2023rako adimenduak eta klimatikoki neutroak izan daitezen 100 hirien Misioaren baitan. EBren misio horrek berrikuntza eta esperimentaziorako gune aitzindari bihurtuko ditu hiri horiek, 2050ean Europako gainerako hiriei klimatikoki neutroak izaten laguntzeko. Madrilek, Bartzelonak, Valentziak, Sevillak, Zaragozak, Valladolidek eta Gasteizek bat egin zuten 7 urte barru 0 isuriko helburu handinahi hori lortzeko abiarazitako proiektuekin.

Hiriek haien ekimenak aurkeztu dituzte. Madrilgo Udalak eskola-inguruneetan esku hartzeko eta eskolen erabilera ikasgeletatik haratago zabaltzen lagunduko duten plaza berriak sortuko dituzte. MES Barcelona planak inbertsio fotovoltaikoa erakarri nahi du eta trantsizio energetikoa sustatu. Sevillako Kartuja Parke Zientifiko eta Teknologikoak autosufizientzia energetiko eta 2030 urterako 0 emisio izatea lortu nahi du. Balentziako EMES proiektuak enpresa herritarren autokontsumorako energia sortzeko enpresa misto publiko-pribatu bat sortzeko helburua dute. Valladolideko Udalak ordenantza berria du aukera ematen duenak hiria enpresa-berrikuntzako proiektuetarako proba-laborategi gisa erabiltzeko. Gasteizen, Zaramaga auzoan, 525 etxebizitzaren eko-birgaituko dituzte. Eta hiri anfitrioiak, Zaragozak, proiektu bat du Huerva ibaiaren biodibertsitatea hobetzeko.

Gainera, citiES 2030 plataforma aurkezteko gune bat egon zen, hiriek neutraltasun klimatikorako eraldaketa bizkortzeko izan behar duten funtsezko berrikuntza-zeregin horretarako. Akordio klimatiko horiek Europako laguntzak eta laguntza-planak edo inbertsio pribatu gehiago lortzeko, kalitate-zigilu bat eskuratu ahal izateko egin behar dira.
Azken jardunaldian, karbono-hiri neutroak lortzeko ezinbestekoak diren beste alderdi batzuei buruzko saio paraleloak egiteko gune bat ere izan zen: mugikortasun iraunkorra eta energia-komunitateak Valladoliden, Iruñean, Monzonen edo Bartzelonan, besteak beste; eta mugikortasun iraunkorreko politikak bultzatzeko herritarren beharrezko ikuspegia (Zaragozako auzo-elkarteetan eta guraso-elkarteetan, Gasteiz ON merkatarien Elkartea edota energia-komunitateetan, esaterako).

Conama Local 2023ri amaiera emateko, elkarrizketa bat egin zen herritarren kolektiboekin, eraldaketarako funtsezko papera bistaratzeko.